Taith Twmbarlwm 2022

Eleni, mae Gwasanaeth Cefn Gwlad a Thirwedd Cyngor Bwrdeistref Sirol Caerffili, ar y cyd â Grŵp Antur Caerffili, Cerddwyr Caerffili, Cerddwyr Islwyn a phartneriaid eraill unwaith eto yn cynnig HER A HANNER i gerddwyr a rhedwyr o bob gallu.

Fel sy’n arferol… bydd llwybrau Cyfres Heriau Caerffili yn addas i bob lefel ffitrwydd a gallu.

Bydd yna her sy’n addas i chi!

Herio opsiynau

(mae’r llwybrau wrthi’n cael eu cynllunio / cwblhau, byddwn yn cyhoeddi union bellteroedd y llwybrau maes o law)

Yn y cyfamser, dyma’r llwybrau:

  • Llwybr 1-5 milltir (taith gerdded dan arweiniad) * Cofrestru ar y diwrnod
  • Llwybr 8-11 milltir (taith gerdded dan arweiniad)
  • Llwybr 15 milltir (her hunan-arweiniol a thaith gerdded dan arweiniad)
  • Llwybr 22 milltir (her hunan-arweiniol a thaith gerdded dan arweiniad)

Noder: Bydd yr her yn cael ei chynllunio gyda COVID-19 mewn golwg. Rydym yn hyderus y gallwn newid sut rydym yn cynnal yr her i greu amgylchedd diogel COVID. Gall hyn olygu ein bod yn addasu rhai agweddau ar yr her, h.y. cofrestru cyn digwyddiad, rheolfeydd, cofleidiau ar ôl digwyddiad a ‘high fives’! Caiff yr wybodaeth ei chynnwys yn eich pecynnau gwybodaeth a’ch diweddariadau cyn digwyddiad.

Nodweddion pwysig

Ar gyfer llwybrau hirach:

  • Byddwch yn barod i gerdded yng nghefn gwlad. Bydd y llwybrau hyn yn mynd â chi ar draws caeau, trwy goedwigoedd ac i fyny bryniau mawr iawn… o ystyried y tywydd rydyn ni wedi’i gael am y 3 blynedd diwethaf… bydd hi’n wlyb ac yn fwdlyd iawn!
  • NID OES MARCIAU AR HYD Y LLWYBRAU… Rhaid i chi allu darllen map neu fod gyda rhywun sy’n gallu!
  • I’r rheini na allant ddarllen map, mae teithiau cerdded dan arweiniad ar gael ar gyfer niferoedd cyfyngedig… er y bydd yn rhaid i chi gerdded ar gyflymder y grŵp.
  • Mae’r holl lwybrau yn heriau ANODD sy’n cynnwys esgyniadau a disgyniadau ar dir anodd (heblaw am y llwybr 1-5… mae hwnnw ar hyd camlas
  • Isafswm oedran yw 12; rhaid i bob ymgeisydd dan 18 oed fod yn ddigon ffit i gyflawni’r her a bod gydag oedolyn cyfrifol.
  • Croesewir cŵn ond rhaid iddynt fod o dan reolaeth bob amser a bod yn ddigon ffit i gyflawni’r her.
  • Mae’r llwybrau o dan gyfyngiadau amser h.y. mae’n rhaid i chi adael yr her os nad ydych yn llwyddo i gyrraedd pob rheolfa o fewn amser penodol
  • Gallwch gofrestru o 1 Hydref ymlaen
  • Ffi cofrestru: £12
  • Ffi cofrestru cynnar cyn 3 Ionawr 2022: £10
  • Gostyngiad o £2 ychwanegol i ymgeiswyr 18 oed ac iau
  • Mae dŵr ar gael ym mhob rheolfa
  • Ni ellir cofrestru ar y diwrnod
  • Dyddiad cau ar gyfer cofrestru yw dydd Mercher 27 Ebrill 2022

Y llwybr 1-5 milltir:

  • Croesewir pobl o bob oed
  • Ffi mynediad: £2
  • Cofrestru am ddim ar y diwrnod